ឯកឧត្តមបណ្ឌិត ហង់ ជួន ណារ៉ុន ប្រារព្ធកម្មវិធីពង្រឹងប្រព័ន្ធធានាគុណភាពអប់រំនៅកម្ពុជា
04-December-2015 | ដោយ មួយឡា
សៀមរាប៖ នាព្រឹកថ្ងៃទី ០៤ ខែ ធ្នូ ឆ្នាំ ២០១៥ មានកិច្ចប្រជុំគណៈកម្មការដឹកនាំកម្មវិធីពង្រឹងប្រព័ន្ធធានាគុណភាពអប់រំកម្រិតមត្តេយ្យសិក្សា និងអប់រំចំណេះទូទៅនៅកម្ពុជា ដែលប្រព្រឹត្តទៅក្រោមអធិបតីភាព ឯកឧត្តមបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដោយមានការអញ្ជើញចូលរួមពីតំណាងដៃគូអភិវឌ្ឍន៍ ឯកឧត្តម លោកជំទាវថ្នាក់ដឹកនាំក្រសួង ព្រមទាំងលោក លោកស្រីប្រធានអង្គភាពពាក់ព័ន្ធជាច្រើនរូបទៀត នៅខេត្តសៀមរាប ។
ក្រសួងអប់រំ យុវជន និងកីឡា បានរៀបចំប្បញ្ញត្តិនៃការធានាគុណភាពអប់រំកម្រិតមត្តេយ្យសិក្សា និងចំណេះទូទៅនៅកម្ពុជា ក្នុងគោលបំណងកំណត់អំពីភារកិច្ច និងតួនាទីរបស់អធិការសម្រាប់ធ្វើអធិការកិច្ចនៅតាមគ្រឹះស្ថានសិក្សាសាធារណៈ និងឯកជន ដើម្បីលើកកម្ពស់គុណភាពអប់រំមួយដែលអាចទទួលយកបាន។
គុណភាពអប់រំជាកត្តាដ៏សំខាន់មួយក្នុងការអភិវឌ្ឍធនធានមនុស្ស ដើម្បីរួមចំណែកអភិវឌ្ឍសង្គមជាតិទាំងមូល ស្របតាមផែនការយុទ្ធសាស្ត្រវិស័យអប់រំ និងវិធានការកំណែទម្រង់វិស័យអប់រំ យុវជន និងកីឡា៕
ប្រភព៖ ទំព័រក្រសួងអប់រំ យុវជន និងកីឡា
ចំនួនអ្នកទស្សនា
- ថ្ងៃនេះ521
- ម្សិលមិញ20231
- សប្តាហ៍នេះ79601
- ខែនេះ101481
- ឆ្នាំនេះ101481
- សរុប20543937